Ee ya cɔɔl cïïn röör wär röör ë Norway piath pinynhom, lakin ace yic! Ɔn ka ɣa kic mony cë bɛ̈n a monydië, ɣεn ya lui cerkaic Bangkok, ku yen ee rɛ̈ɛ̈r Pattaya. Ok wo yɔ̈k intanεtic ku goku ruäi.
Dhama koor goku tak buk rööt thiaak. Ɣεn ee bɔ̈u tän kuat ŋɔ̈ŋic, ee ya yök thiëŋ monypei leu bë kuatdië muk ee ye wɛ̈t dɛ̈ɛ̈t e cɔl ɣεn rot athiak ë yen.
Goku la Norway ku jɔ̈ɔ̈k ke la thukulic ba piöc thoŋ Norway. Ee ye dhaman rilic. Ɣεn e cïïn waraŋ gɛ̈ɛ̈r rïäï, ee monydië yen ɣa gεεr thukulic, tiit ɣεn, ku dhuk ɣa bai. Ee ye ya thaa tök kuεεr tök. Na ɔn cë dhaman koor bak goku köök tä thiɔ̈k kek thukul, lakin ee ye wic bë ɣεn ya gεεr thukulic. Ee cïï wic ba ya cεεth thukulic ɣa tök.
Mën ee bïï ɣεn Norway ɣεn ce laj laŋ wuëu. Köl tök go monydië ɣa
gäm wuëu ë cäm, lakin wɛ̈t leŋ ɣεn wuëu lik, guɔ tak ba ke tɔ̈u. Pamäthkië thukulic awic bïk ɣa kony ba yök luɔi, lakin mony e kuec. Acïï ë tïŋ lɔnadë lon guiεεr piny apiεth kek ɣεn.
Lakin alaŋ londɛ̈ tädië - guiεεr ɣöön rïäï. Ee ɣεn luɔi abën loi wɛ̈t ee yen raan mukthul keriëc abën. E ce lui kajuëëc wɛ̈t cïï yen tuany. Acïïn wuëu ke cë gäm ɣa guiεεr ɣöön riäic.
Na ye köl tök go luel ka cë guɔ̈p yiit bai ye tök, ee wic buk jöŋ bɛ̈i bai. Ɣεn ee cë wic jöŋ wɛ̈t e ɣεn bɛ̈n ka ɣa cë guɔ̈p dhäär thukulic ku ɣεn laŋ lon bë bɛ̈n gɔ̈ɔ̈t bai wïëc ba loi. Go luel lɔnadë ka bë jöŋ ya la cäädh akölköl, lakin thökde ee ɣεn muk jöŋ kek monydiën dïït cë dhiɔp.
Akuɔ̈j yen kë tätueŋ. Kë ca kuut ɣa puou ee ba la thukul dɛ̈t, lakin monydië acïï wic. Acë kuut yen bë ɣa kɔ̈ɔ̈k tä mec ago laŋ tä ril ɣenic tädië. A ya wic ba kuej lakin acä ŋic ba loi dë. Acë ɣic puɔl ba rëër panlei kek monydït ka ye muɔnydu täcït tän ee ya tak yen.
