Wämääthkië karou ku ɣεn ok ake bɔ̈ Norway Pen Thiäär ku rou 2016. Ok ke ciëŋ alɛ̈ɛ̈th mɛ̈ɛ̈i wɛ̈t e ye ku cɔl Norway ka bë tuɔ̈c cë mënë Somalia. Lakin, wën le ok ɣëët mataar, ee tueny thënou. Ok ake nɛ̈k wiir ku piny aliir. Alɛ̈ɛ̈th ke muk ku bεεgiic ake käk akɔ̈l.
Cɔk alɔn ë liir piny, ɣεn ee miit puou wën cï ok ɣëët Nɔ̈rway. Ɣεn bë maa nyɔk yök, akɛ̈c tïŋ mënë ruun katätem. Mamadië kek pamäthke karou acë wo yök. Wën e tïŋ ok yen, goku thiäu piu miεt puou. Ku jalku geer riäï buk la geen thiin e rëër maa thïn.
Nïïn tueŋ ka ɣa rɛ̈ɛ̈r pan rëër maa thïn ake la rurur. Ee liir ku e tuεny thënou ku acïïn kajuëëc ye tïŋ. Cäär nhiim ake rɛ̈ɛ̈r nhiim apath. Kɔc thii lik ke ya ke yök ake atɔ̈u ke bit ku ace kɔc ë loor. Panda Somalia kɔc ake ye yök tärïëc abën, keriëc abën ëtën atɔ̈u ee yam. Maa kek pamäthke ake cë wo ɣɔ̈j käŋ, ku leer kë ok buk la ɣööj alɛ̈ɛ̈th wiir.
Na la yiit thök guɔ la thukul kɔc cë dït ba piöc thoŋ Norway. Ɣεεn cë gäät thïn ruun karou ku jal gɔl thukul. Mεnë ɣεn tɔ̈u ruɔ̈ndiën akär ku ɣεn cë ŋïc kek pamäth juëëc yam. Ɣεn nhiar ba yök kek kɔc kɔ̈k buk muɔɔŋ.
Na cë dhaman thukul thök ka ɣεn la amatnhom akut kɔc kony lon thukul. Ɣεn cë rot mat lon kɔ̈ɔ̈j alɛ̈ɛ̈th thïn.
Ɔn Somalia, ɣεn kic kan la thukulic wälä kuɛ̈ɛ̈n dɛ̈t kace thukul Quran. Ɣεn ee kuc kuɛ̈ɛ̈n wälä gäät. Mεnë ɣεn cë piöc gäät thoŋ Somali, Norway, ku käjuëëc kɔ̈k ye gɔ̈t. Kɛ̈c piöc ee ye ɣa cɔl acë cït raan. Mεnë ɣεn ŋic käŋ ku ɣεn miit puou.
Nhiäk ruɔ̈n ɣεn bë gɔl thukul ɣöön dhoŋuan ba kueen abaŋ guiεεr piir ku riɛ̈nythi. Akölciën ɣεn wic ba lui ke kɔc riɛ̈nythi. Na lathök thukul, ka ɣεn wic ba lui lon tökic. Awiëc aya ba piöc gɛ̈ɛ̈r rïäï ago laŋ tä yök ɣεn waraŋdiën gɛ̈ɛ̈r.
Na ɣa cë rëër Somalia, tεkdë ka ɣɛn cë guɔ ya maanmiith emεn. Tεkdë dë ɣεn cë laŋ miith juëëc. Na ɣa rɛ̈ɛ̈r Somalia, tεkdë ɣεn kic yök kek käjuëëc luɔi kek etɛ̈n. Ɣεn rot yök ɣa miit guöp ba rëër Norway.
