Selamawit alaŋ ruun ka 29. E dhiëth manh den tueŋ pan cɔl Eritrea. Yen kek kuatde ake rεεc piir, gokë tak bïk la pan cɔl Italy.
Inga ee jäl panden ka ŋööt kic ruɔ̈n 19 dööt. E la pan cɔl Norway ku le dhiëth manh den tueŋ thïn.
Ɔn cïï Selamawit lïëc ë mεnh den rou, ee ye gäi bë tɔ̈u de yen dhiënh pandɛ̈t.
Selamawit kek Inga abɔ̈u ɣɔ̈ɔ̈n cë räm. Selamawit ee ye rot yök kapuɔl wɛ̈t cïï yen kan dhiëth. Inga ee cë jam kek maan alɔŋ dhiëth.
Kek diäär käk kedhie ee cïk piŋ lɔnadë bɛ̈ɛ̈i Europe ɣiic, diäär liεc alaŋ yiny ye kek gäm kuɔny dhaman liëc. Aye kek kony dhaman cïï kek liëc. Selamawit ee cë jam kek akim dhaman puɔc yen liëcde ŋic. Mony Selamawit ee cë yen jat tän akim ë riäi.
Akim ee cë Selamawit them go yök ka laŋ guöp tuany thukar tɔ̈u ke diäär liεc. Awic bë ya cäm mïïth piath ku lui riεthat. Selamawit ee cë puou miεt wɛ̈t cïï ɣen laj la tän akim ka manhde kic guɔ tuany.
Wën cïï jerän ë Inga ye piŋ lɔnadë ka liac meth, go jerän lɛ̈k yen bë akim laj tïŋ. Tä loi yen ekën ka yen ku manhde abë guup pial. Go akim lɛ̈k yen bï deek wäl cɔl folic acid, ee bïtamεn diäär liεc.
Inga kek akimde acë rööt piŋ lɔnadë ka Inga abë ya yök kek agɛ̈ɛ̈m be ya la tïŋ dhaman liεc ɣen. Agɛ̈ɛ̈m ace wɛ̈ɛ̈t cäm bë ya cam, ku lon bï yen ku manh tiεt thïn bïk guup pial.
Kek diäär kedhie aacë dhiëth miith puɔl gup. Selamawat acë dhiëth dhɔ̈ŋ dɛ̈t, ku Inga acë dhiëth nya. Rɔ̈ɔ̈r ken ake cë nhiam apεi, ku lëkkë raan ŋickë abën lɔnadë ka laŋ diäär ril ku miith ken puɔl guup.
